Foto:
Full sal på Bjoa Bygdeutviklingslag sitt årsmøte blei ein manifestasjon av bygdefolket og bygda sitt behov for butikk.
Sidan Buo blei stengt i vår har mange håpa på at det skulle ordne seg sjølv med butikken, men etter sommaren har det blitt klart at det må sterkare lut til for å få på plass ny drift.
Det store frammøtet på årsmøte blei ein manifestasjon av bygdefolket og bygda sin vilje til å få til ein butikk. Salen peika på at «utan butikk får bygda ingenting att frå hyttefelta» og «utan butikken blir Bjoa ein avkrok med billige tomter».
Årsmøtet vedtok å flytte butikk på Buo øvst på dagsordenen til BBU - og behalde den der inntil det ordnar seg. I same årsmøte blei Roy Erik Hetland vald til ny formann og med seg som nye inn i styret fekk han Odd Johannes Lien og Thomas Alvseike. Alle undergrupper av laget held fram som før.
Foto: Ådne Ådnesen, Bondevennen
