Foto:
Ein ivrig gjeng vikebuar og ein bjoabu med nyinnkjøpt spikeruttrekkar tjuvstarta søndag på dugnaden på Vikestølen.
Dugnaden er eigentleg ikkje før neste helg, men i dag dukka det opp ein gjeng vikebuar som gjekk på for full maskin både inne og ute. Inne blei det rydda i skuffer og skap og vaska, og ute blei kratt hogd ned så kvistene flaug.
Stillaset blei frakta opp fra Rotvoll og montert lørdag ettermiddag, og fjerninga av den gamle kledninga er nå godt påbegynt.
For deg som har lyst til å vere med på dugnad så er det ingen grunn til å fortvile over tjuvstarten, for det er mykje arbeid igjen enno. Det skal utførast ein god del snekker- og malearbeid på hytta, og det er nok av kratt som skal fjernast.
Forhåpentlegvis får me levert ny flaggstong før helga, så den gamle må pensjonerast og den nye setjast opp.
Det vil vere folk på Vikestølen fra og med fredag, om ein har lyst å vere med kan ein gjerne gi beskjed til Jarle Sandsgård, Rita Bjørnøy eller John Karlsen - eller berre komme når det måtte passe.
Foto: Jarle Sandsgård. Kontrollør Sindre Sandsgård har godkjent stillaset og gitt tommelen opp for at dugnaden kan starte.
