Gjev pris til Bjoabu

Nils Reimers var sentral då Tomax såg dagens lys for 15 år sidan, og han er hovudeigar i selskapet i dag. Konsernet har bak seg ein kraftig internasjonal vekst gjennom 2018 og 2019. Årleg omsetnad frå selskapet sitt AST-produkt (Anti Stick-Slip Teknologi) passerte i fjor 300 millionar kroner.  Om lag 1.200 brønnar blei bora med selskapet sitt utstyr. Eksportdelen av Tomax si verksemd er over 90 prosent.

AST er eit verktøy som blir plassert nede i boreholet og regulerer matinga av borekrona slik at det ikkje oppstår overlast på borekrona eller systema som driv boret. Jamn innmating reduserer også tapet til friksjon og aukar effektiviteten i sjølve boreprosessen betydeleg.

Matematiske modellar viser at Tomax sitt patenterte reguleringsprinsipp gjer at det blir bora 30-40 prosent meir fjell med same tilførte energi. Slitasjen blir tilsvarande redusert.

Bjoa.no gratulerer med imponerande produkt og forretningssuksess!

‍