Familiegudsteneste julaftan

Julaftan er heile familien velkommen til gudsteneste kl 14. Magnhild H. Helberg er prest, Sindre Sandsgård er klokkar, Elin Thorsen er kyrkjevert og ved orgelet sit ingen ringare enn "vår eigen" Ola Ohm (oppvaksen i Ølensvåg). Nok ein gong skal me få høyra juleevangeliet og tankane som Magnhild-prest knyter til dette og vil dela med oss. Me skal syngja mange av dei kjære julesongane og avsluttar som vanleg ståande med Deilig er jorden. Offeret på julaftan er også ein av tradisjonane våre: Det går til Kirkens Nødhjelp. Gudstenesta på julaftan er ganske kort, og her er rom for oppspilte barn og litt meir lyd enn vanleg. Velkommen!